منتدى حبيبتى الاميرة
عزيزي الزائر / عزيزتي الزائرة

إن كنت من أعضاءنا الأكارم يسعدنا أن تقوم بالدخول
وان لم تكن عضوا وترغب في الإنضمام الى اسرتنا
يشرفنا أن تقوم بالتسجيل



حكايات وبنعيشها

استعرض الموضوع السابق استعرض الموضوع التالي اذهب الى الأسفل

حكايات وبنعيشها

مُساهمة من طرف اميرة المنتدى شذى في الأربعاء يونيو 29, 2011 3:31 am

alt1]

[size=25]انا زييى زيكوا كل يوم افتح التليفزيون
الاقى اخبار عارفينها

اللى تفتح النفس للحياه دى فجالى اكتئاب افتح النت الاقى اخبار الحراميه والملايين الى سرقهوها

ايه متضايقين ليه
خلاص خلاص ماتزعلوش
احكيلكم بقى عالموقف اللى حصللى ...واثبتلى ..ان فعلا (البلد عايزه ولد)
هههههههههههههه
وممكن يا بلدي... يا فينو يا كيزر !؟
اصل فى ازمة عيش كمان

بغض النظر عن نسبه العنوسه العاليه وان البنات بقت اكتر م الولاد(شكلنا هنلجأ للاستيراد م الخارج)
والكلام اللى لا يودى ولا يجيب ده


المشكله المشكله ان الولاد اساسا مش لاقيين شغل ...هيتجوزوا ازاى
المهم دا مش موضوعنا

امبارح كنت قاعده ف البيت بمارس هوايتى اللى انتو عارفينها

ايوه شاطرين هيه دى
(الطبيخ - غسيل الموعين - تنضيف البيت)
المهم سمعت جرس التليفون (تررم- تررم)

انا (بكل معانى القرف والزهق) :مين الرزل اللى بيتصل عالصبح دا
عادى يا جماعه مهى لسه الهوايه مأثره برضه .

اصلها متتنسيش بسهوله يعنى
ورفعت السماعه بعصبيه ونرفزه وردييت

انا (بغلاسه) :الو ميين
صاحبتى وحبيبتى
ازيك شوشو
انا (اتعدلت ف الكلام طبعا) :

اهلا ازيك يا قمر عامله ايه
صاحبتى (من غيير ما تدينى اى فرصه) :

عايزه اشترى هدوم ممكن تيجى معايا
طول عمرى بقول
يا بت مين خرج من داره اتقل مقداره
المهم اتحججت ان دى صاحبتى ومقدرش ارفضلها طلب
مع العلم انها لو كانت طلبت طلب مش على مزاجى
عمرى ما كنت هنفزه
بس انا زهقت وعايزه اخرج
نزلت معاها وركبنا الميكروباص اللى كان كومبليت بالرجاله وكلهم قاعدين وانا وصاحبتى بس اللى واقفيين
فضلنا واقفين شويه يمكن حد فيهم يبقى عندوا شويه م الاحمر ويحس ويتنازل

عن مقعد الرئاسه للبنات
واحنا مكسورين الجناح
(اللى هم احنا يعنى )

برضه مفيش فايده اضطرييت ابص لكل واحد ف وشه يمكن حد فيهم يتكسف ويقوملنا

بصييت للاولانى :عمل نفسه نايم
بصييت للتانى :قعد يبص لسقف اليكروباص ..(الظاهر الدنيا كانت بتمطر ولا ايه مش عارفه)
بصييت للتالت:بسرعه قام مدور وشه وعمل انه بيكلم اللى جنبه وهو بيقول (الاستى خدت سيدى وراحوا الجونينه)
هههههههههههه اهو اى كلام المهم يعمل نفسه مش شايفنى

قولت لنفسى (مبدهاش بقى يابت يا مصريه )
مالقيتش قدامى غير انى اتكلم مع صاحبتى بصوت عالى يسمع كل اللى قاعدين .....وقولتلها
(تصدقى معدش فيه رجاله ف البلد.....اه والله.....بدليل الواقفه السوده اللى احنا واقفينها دى ......بزمتك يا شقعدت اتكلم اتكلم ..ان حد يعبرنا ..لكن لا حياه لمن تنادى ........لدرجه انى شكيت فعلا اننا نكون غلطنا ف الميكروباص
وركبنا ميكروباص مخصص للصم والبكم ههههههههههههههه

فيييين وفييين واحد قاملى .......
قولت لنفسى..( خليكى زوق بقى يا مصريه ...هو صحيح الراجل قام بعد ميت سنه ..بس يمكن كان مستنى الترجمه لكلامى ولا حاجه )
الراجل:تعالى اتفضلى اقعدى
انا ( بزوق مصطنع):

لا والله خللى حضرتك مستريح
الراجل:لا شكرا اصلى نازل هنا
ساعتها كنت عايزه اخنقوا .......يعنى لولا انك نازل مكنتش قومتلنا

المهم نزلنا لفينا ف المحلات ........وانا ربنا رازقنى بصاحبه متشتريش حاجه بسهوله ..لازم تقيس كل اللى ف المحل
وميعجبهاش حاجه.......تروح محل تانى وتقيس كل اللى فيه وبرضه ميعجبهاش حاجه..(ودوخينى يا لمونه)
وهى بتقيس ف البروفه... انا بقى وقفت امارس هوايتى _(لا مش غسيل الموعين انا دلوقتى ف الشارع ....ركزوا)_
هوايتى انى اتفرج عالهدوم المتعلقه ف المحل
وايدى وقعت على بدى تحفه

قررت اشتريه لانه عاجبنى جدا

ف الاخر واحنا ماشيين وخلاص بحاسب عليه
سمعنى (الكاشير) وانا بقول لصاحبتى
(هو صحيح نص كم ..بس انا ممكن البس تحتيه بدى ابيض بكم)
بمجرد ما قولت الكلمه دى ........لقيت (الكاشير) فطس على روحه م الضحك
ف الاول افتكرته عنده ربع ضارب

بصيتله وقولت : بتضحك على ايه حضرتك
رد عليا (وهو بيحاول يمسك نفسه م الضحك) :مفيش يا فندم....... بس هو حضرتك هتشترى البدى دا ليكى ؟

قولت لنفسى (ايه ده ....ماله ده ....هو انا شكلى شحاته ولا ايه.اه ليا طبعا ...ايه المشكله ؟
رد عليا

(وهو مش قادر يوقف ضحك)
: اصل البدى دا رجاالى
بصييت لصاحبتى اللى كانت

هتقع من الضحك وقولتلها يا لهوى (الرجاله بقو يلبسوا بمبه وفوشيا .............
شفتوا بقى ان البلد عايزه ولد.........



_________________








avatar
اميرة المنتدى شذى
Admin
Admin

انثى 631
تاريخ التسجيل : 07/08/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: حكايات وبنعيشها

مُساهمة من طرف اميرة المنتدى شذى في الأربعاء يونيو 29, 2011 3:34 am

اه يابلد عايزة راجل
اصل فعلا بلدنا محتاجة رجاله ايدهم سمرة وعرقانه
رجاله يحموها ويحبوها
البلد عايزة راجل

ومش عايز ولد خنفس قاعد على القهوة يعاكس وقلبه يهوى
عايزة راجل يشيل ويبنى
مش على النواصى قاعد بيرغى
عايزة راجل يحميها
مش عايزة عيل
يجيب عليها وطيها
البلد عايزة ايد قويه تعيد مجد مبانيها
مش ولد تايه من الحشيش والبانجو مش دارى بيها
اه والف اه يا بلد عايز ولد بس يكون ولد
مش شاب مايص عايز الف كف على قفاه ينضرب
اه يا بلد عايزة ولد
وبجد يكون ولد
اه يابلد عايزة راجل بس انا مش فاضي

_________________








avatar
اميرة المنتدى شذى
Admin
Admin

انثى 631
تاريخ التسجيل : 07/08/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى